भारतसँगको सीमा विवाद थप जटिल नहुने चीनको आशा
<p>काठमाडौं। भारतमा भएको चिनियाँ दूतावासले चीन र भारतबीचको सीमा विवाद अझै जटिल नहुने आशा व्यक्त गरेको छ। </p>
<p>चिनियाँ दूतावासका प्रवक्ता जी रोंगले बुधबार राति ट्वीट गर्दै यो विषयमा दुवै देशले मिलेर कदम अगाडि बढ्नुपर्ने बताए।</p>
<p>“आशा छ, भारतले सीमा समस्या थप जटिल हुनेगरी केही कदम उठाउने छैन, भारतले सीमार्वी क्षेत्रमा शान्ति र स्थिरताका लागि उपयुक्त माहौल तयार गर्ने चीनले आशा गरेको छ,” जी रोंगले ट्वीटरमा लेखेका छन्। </p>
<p>भारतीय पक्षले यो सीमा विवाद लामो समयसम्म जानसक्ने बताएको छ। तर, चिनियाँ दूतावासका प्रवक्ताले दुई देशका कूटनीतिक र सैन्य माध्यम सम्पर्कमा छन्। र, पछिल्लो समय सीमावर्ती क्षेत्रमा विवाद पनि कम हुँदै आएको छ।</p>
<p>भारतमा भएको चिनियाँ दूतावासले निकाल्ने पत्रिकाको जुलाई अंकमा दुई देशको सम्बन्धको विस्तारमा व्याख्या गरिएको छ। त्यो पत्रिकामा भारतका लागि चिनियाँ राजदूत सुन विडोङ्गले जुनसुकै सम्बन्धमा पनि उत्तर-चढाब आउने बताएका छन्।</p>
प्रतिक्रिया दिनुहोस्
.jpg)
