चार लाख बराबरको सुर्ती बरामद्
<p>काठमाडौं। सुनसरीको बर्जु गाउँपालिका-५ बाट करिब चार लाख रूपैयाँ बराबरको ८० बोरा सुर्ती प्रहरीले बरामद् गरेको छ।</p>
<p>भन्सार छलेर ल्याउँदै गरेको अवस्थामा उक्त सुर्ती बरामद् गरेको प्रहरीले जनाएको छ।</p>
<p>सुनसरी प्रहरीका अनुसार ५८ बोरा तयारी सुर्ती प्याक गरिएको र २२ बोरा सुर्ती खुल्ला थियो।</p>
<p>भारतीय बजारबाट नेपालतर्फ भन्सार छलेर ठूलो मात्रामा सुर्ती ल्याएर भण्डारण गरेको भन्ने सूचनाका आधारमा जिल्ला प्रहरी कार्यालय सुनसरीबाट खटिएको प्रहरीले उक्त सुर्ती बरामद् गरेको हो।</p>
<p>बरामद् सुर्ती आवश्यक कारबाहीका लागि सुनसरी भन्सार कार्यालय कोशी ब्यारेज पठाइएको प्रहरीले जनाएको छ।</p>
प्रतिक्रिया दिनुहोस्
.jpg)
