'बुलाती हे, मगर जाने का नहीँ...' का सर्जकको कोरोनाबाट मृत्यु
<p>काठमाडौं। कोरोना भाइरस संक्रमणबाट प्रसिद्ध उर्दूकवि तथा गजलकार राहत इन्दोरीको आज मृत्यु भएको छ। इन्दोरको एक अस्पतालमा उपचाररत उनलाई दुई पटक हृदयघात भएको उपचारमा संलग्न चिकित्सले बताएका छन्। </p>
<p>“आइतबार अस्पतालमा भर्ना गरिएका इन्दोरीलाई दुई पटक हृदयघात भएको थियो,” उपचारमा खटिएका चिकित्सक विनादे भण्डारीले भने, “उनलाई ६० प्रतिशत निमोनिया भएको थियो।”</p>
<p>इन्दोरीको ट्वीटर ह्यान्डलमा उनले आफूलाई भारतीय कवि, पेन्टर र बलिउड सर्जक भनेर चिनाएका छन्। </p>
<p>अस्पतालमा भर्ना हुनु अगाडि उनले आफूलाई कोरोना संक्रमण भएको ट्वीटमार्फत जानकारी दिँदै आफ्नो शिघ्र स्वास्थ्य लाभको कामना गरिदिन भनेका थिए।</p>
<p>उनको गजल 'बुलाती हे, मगर जाने का नहीँ..' चर्चितमध्येको एक हो।</p>
प्रतिक्रिया दिनुहोस्
.jpg)
