रूकुम घटनामा मृत्यु हुनेका परिवारलाई जनही १० लाख राहत दिने
<p>काठमाडाैं। सरकारले रूकुम-पश्चिमको चौरजहारी नगरपालिका-८ सोतीमा अन्तरजातिय विवाह सम्बन्धीको विवादको क्रममा हत्या गरिएकाको परिवारलाई १० लाख रूपैयाँको दरले आर्थिक राहत दिने निर्णय गरेको छ।</p>
<p>मन्त्रिपरिषद बैठकको सोमबारको निर्णय सार्वजनिक गर्दै सरकारका प्रवक्तासमेत रहेका अर्थ, सूचना सञ्चार तथा प्रविधिमन्त्री डा. युवराज खतिवडाले घाइतेहरूको उपचार खर्च पनि सरकारले बेहोर्ने निर्णय गरिएको बताए।</p>
<p>उनका अनुसार सरकारले बिलको आधारमा खर्च बेहोर्ने छ। सरकारले उक्त घटनाको भत्सर्ना पनि गरेको मन्त्री खतिवडाले बताए।<br />
गएको जेठ १० गते प्रेमिका लिन भनि सोती गएका प्रेमी नवराज विक र उनका साथिहरू गणेश बुढा मगर, सन्जिब विक, लोकेन्द्र सुनार, टीकाराम सुनार र गोविन्द शाहीको हत्या भएको थियो।</p>
<p>घटनामा लालबहादुर खड्का, कैलाश भन, जीवन भन, डिल्ली विक, सुनिल सुनार, महेश कार्की लगायत घाइते भएका थिए।<br />
उनीहरू जाजरकोटको भेरी नगरपालिकाका हुन्।</p>
प्रतिक्रिया दिनुहोस्
.jpg)
