ढोरपाटन नगरपालिकाका इञ्जिनियर अधिकारीविरुद्ध भ्रष्टाचार मुद्दा
<p style="text-align: justify;">काठमाडाैं। अख्तियार दुरुपयोग अनुसन्धान आयोगले ढोरपाटन नगरपालिका बाग्लुङका इञ्जिनियर मिलन अधिकारीविरुद्ध आज विशेष अदालतमा मुद्दा दायर गरेको छ।</p>
<p style="text-align: justify;">उपभोक्ता समितिबाट भएको सडक निर्माणसम्बन्धी योजनाको भुक्तानी दिएबापत् अधिकारीले विभिन्न बाहना बनाई घुस मागेको पाइएको आयोगले जनाएको छ।</p>
<p style="text-align: justify;">इञ्जिनियर अधिकारीले सेवाग्राहीबाट एक लाख घुस माग गरेको पाइएको र आयोगको पोखरा कार्यालयबाट गएको टोलीले पक्राउ गरेको थियो।</p>
<p style="text-align: justify;">आयोगले आरोपी इञ्जिनियरलाई बिगोअनुसारको कारबाहीको माग गर्दै मुद्दा दायर गरेको प्रवक्ता तारानाथ अधिकारीले जानकारी दिए।</p>
<p style="text-align: justify;">यस्तै आयोगले आजै घरेलु तथा साना उद्योग कार्यालय नेपालगञ्ज बाँकेका उद्योग अधिकृत हुकुमबहादुर ओलीविरुद्ध विशेष अदालतमा मुद्दा दायर गरेको छ।</p>
<p style="text-align: justify;">आयोगका अनुसार ठेक्का पट्टाको अनुमतिपत्र बनाइदिने कार्यमा सहजीकरण गरिदिने भन्दै सेवाग्राहीसँग ९६ हजार ३०० रूपैयाँ घुस माग गरेको पाइएको छ।</p>
<p style="text-align: justify;">आयोगले आरोपी उद्योग अधिकृत ओलीविरुद्ध बिगोअनुसारको कारबाहीको माग गरेको छ। <em>रासस</em></p>
.jpg)
