पहिराेमा पुरिएर बेपत्ता भएका व्यक्तिकाे शव फेला
<p style="text-align: justify;">कैलाली। बझाङको केदारस्युँ गाउँपालिका-८, मल्लेसी पहिरो घटनामा बेपत्ता भएका युवकको शव भेटिएको छ।</p>
<p style="text-align: justify;">गत असार १९ गते राति १२ बजे आएको पहिरोमा परी बेपत्ता भएका गिरी जेठारा (२१) को शव आइतबार फेला परेको हो।</p>
<p style="text-align: justify;">स्थानीय लोकबहादुर जेठाराको घर पछाडि पुरिएको अवस्थामा शव फेला परेको विपद् व्यवस्थापन समिति केदारस्युँ-८, मल्लेसीका सुरेश जेठाराले बताए।</p>
<p style="text-align: justify;">उनले लाेकबहादुरले घर वरिपरि पसेको ढुंगा माटो हटाएर घर सफा गर्ने क्रममा आइतबार दिउँसो १ बजेतिर शव भेटिएको बताए।</p>
<p style="text-align: justify;">शव भेटिएको जानकारी पाएपछि त्यसतर्फ प्रहरी परिचालन गरिएको जिल्ला प्रहरी कार्यालय बझाङका प्रमुख प्रहरी नायव उपरीक्षक गणेश बमले बताए।</p>
.jpg)
