चारजना मृत फेला
<p style="text-align: justify;">काठमाडौं। काठमाडौं महानगरपालिका-२८, बागबजारस्थित शहीद शुक्र गल्लीमा पहिचान नखुलेका एकजना पुरुष मृत अवस्थामा फेला परेका छन्।</p>
<p style="text-align: justify;">अन्दाजी ५३ वर्षीय पुरुष शुक्रबार मृत अवस्थामा फेला परेका हुन्। घटनाबारे प्रहरीले अनुसन्धान गरिरहेको जनाएको छ।</p>
<p style="text-align: justify;">यस्तै रूपन्देहीको बुटवल उपमहानगरपालिका-७ हिलपार्क गुरुङ डाँडास्थित जंगलमा पनि पहिचान नखुलेका एक युवक मृत फेला परेका छन्।</p>
<p style="text-align: justify;">जिल्ला प्रहरी कार्यालय रूपन्देहीका अनुसार मृतक युवकको उमेर अन्दाजी ३० वर्ष छ।</p>
<p style="text-align: justify;">यसैबीच कन्चनपुरको भीमदत्त नगरपालिका-१२ ऐरीघाटस्थित महाकाली नदीको बीच भागमा अन्दाजी २६ वर्षीया महिला शुक्रबार मृत अवस्थामा फेला परेकी छन्।</p>
<p style="text-align: justify;">मुस्ताङको बारागुङ मुक्तिक्षेत्र गाउँपालिका-१ रानीपौवा बस्ने ८२ वर्षीया भुटी गुरुङ आफ्नै घरको कोठामा शनिबार मृत अवस्थामा फेला परेकी छन्।</p>
<p style="text-align: justify;">घटनाबारे प्रहरीले अनुसन्धान गरिरहेको जनाएको छ।</p>
.jpg)
