लायन्स क्लबद्वारा पुलचोकमा वृक्षारोपण
<p>काठमाडाैं। लायन्स क्लब अफ शान्ति स्तुपा चौतारीद्वारा पोखरा महानगरपालिका-१७ छोरेपाटनस्थित पुलचोकको सार्वजनिक जग्गामा वृक्षारोपण गरिएको छ।</p>
<p>हरियाली प्रवर्द्धन गरी वातावरण संरक्षणमा योगदान पुर्‍याउने मुख्य लक्ष्यसाथ आयोजित वृक्षारोपण कार्यक्रममा चाँप, कपुर, लप्सीलगायत विभिन्न जातका १५० बिरुवा रोपिएको थियो।</p>
<p>लायन्स डिष्टिक चिफ पिआरो राम बस्यालले चापको बिरुवा रोपेर सो कार्यक्रमको शुभारम्भ गर्दै लायन्सले शिक्षा, स्वास्थ्य र वातारणीय क्षेत्रमा योगदान गर्दै आएको जानकारी दिए।</p>
<p>सो स्थानमा क्वलको सक्रियतामा अघिल्लो वर्ष पनि २०० भन्दा बढी बिरुवा रोपिएको र नियमित गरिएको गोडमेलको कारण बिरुवा राम्रोसँग हुर्केको लायन्स क्लब अफ शान्ति स्तूपाका अध्यक्ष सुभाष ढुङ्गानाले जानकारी दिए।</p>
<p>रासस</p>
प्रतिक्रिया दिनुहोस्
.jpg)
