एअर इन्डिया एक्सप्रेस विमान दुर्घटना: दुई चालकसहित १७ जनाको मृत्यु (अपडेट)
<p>काठमाडाैं। शुक्रबार राति भारतमा भएको एअर इन्डिया एक्सप्रेसको विमान दुर्घटनामा परी मृत्यु हुनेको संख्या १७ पुगेको छ। दुई जना विमान चालकसहित १७ जनाको मृत्यु हुँदा चालक दलका ४ सदस्य सुरक्षित रहेको भारतीय सञ्चारमाध्यमहरूले बताएका छन्।</p>
<p>युएईबाट चालक दलका सदस्यसहित १९० यात्रु बोकेर आउँदै गरेको एअर इन्डिया फ्लाइट (IX-1344) रनवेमा चिप्लिएर दुर्घटनामा परेको थियो। दुर्घटनाग्रस्त हुने बित्तिकै विमान दुई टुक्रा भएको र आगो लागेको थियो। विमानमा रहेका १९० यात्रुमध्ये १० जना बालबालिका पनि थिए।</p>
<p>भारतीय नागरिक उड्ययनमन्त्री हरदीप सिंह पुरीले ट्विटरमार्फत दिएको जानकारीअनुसार दुर्घटनाबारे अनुसन्धान गर्न दुई छानबिन समिति बनाइएको छ। एक टोली एअर इन्डिया र अर्को टोली विमानस्थलका अधिकारीको हुनेछ। उनले दिएको जानकारीअुसार विमान भित्र भएका सबैको उद्धार भइसकेको छ। </p>
<p>त्यस्तै मलपुरमका आईजीपी अशोक यादले करिब १६० यात्रु घाइते भएको र विभिन्न अस्पतालमा भर्ना गरिएको जानकारी दिएका छन्। यीमध्ये २०-२५ गम्भीर घाइते छन्। </p>
<p>विमानमा सवार २६ यात्रुमध्ये २६ जना युएईमा रोजगारी गुमेर घर फर्किँदै थिए भने २८ जना भिजा सकिएर फर्किँदै थिए।</p>
<p>त्यस्तै ५४ जना युएई घुम्न गएका र कोरोना भाइरसको महामारीका कारण उतै फसेका थिए। त्यसैगरी ६ जना स्वास्थ्यको कारण आउँदै थिए भने तीन जना विवाहका लागि ।</p>
<div class="widget-news">
<div class="white-background-news">
<div class="title-2">सिफारिस</div>
<div class="news-snippet"><a class="img-holder sm" href="/news/20591" target="_blank" title="एअर इन्डिया एक्सप्रेस विमान दुर्घटना: कम्तिमा १४ जनाको मृत्यु, १५ गम्भीर घाइते"><img alt="" src="https://img.dekhapadhi.de/uploads/posts/1596815844.Air india.webp" /></a>
<div class="details">
<h5 class="title"><a href="/news/20591" target="_blank">एअर इन्डिया एक्सप्रेस विमान दुर्घटना: कम्तिमा १४ जनाको मृत्यु, १५ गम्भीर घाइते</a></h5>
</div>
</div>
</div>
</div>
प्रतिक्रिया दिनुहोस्
.jpg)
