एअर इन्डिया एक्सप्रेस विमान दुर्घटना: कम्तिमा १४ जनाको मृत्यु, १५ गम्भीर घाइते
<p>काठमाडौं। भारतमा आज भएको एअर इन्डिया एक्सप्रेसको विमान दुर्घटनामा परी कम्तिमा १४ जनाको मृत्यु भएको मालापुरमका एसपीले पुष्टि गरेका छन्।</p>
<p>भारतीय सञ्चारमाध्यमका अनुसार विमानमा सवार १९१ जनामध्ये चालकसहित १४ जनाको मृत्यु भएको छ भने १५ जना गम्भीर घाइते भएका छन्। त्यस्तै १२३ जना सामान्य घाइते भएका छन्।</p>
<p>स्थानीय समयअनुसार राति पाैने ८ बजे केरला राज्यको कोझिकोड विमानस्थलमा अवतरणका क्रममा विमान दुर्घटना भएको थियो।</p>
<p>रनवेबाट चिप्लिएको जहाज दुई टुक्रा भएको र आगलागी पनि भएको थियो। घटनालगत्तै १० भन्दा धेरै एम्बुलेन्ससहित उद्धार टोली त्यहाँ पुगेको थियो।</p>
<p>केरलको कोनडोट्टी प्रहरीका अनुसार दुबईबाट आएको एअर इन्डिया फ्लाइट (IX-1344) अवतरणका क्रममा दुर्घटना भएको हो। विमानमा चालक दलका सदस्यसहित १९१ जना रहेको प्रहरीले जनाएको छ।</p>
प्रतिक्रिया दिनुहोस्
.jpg)
