पाउँदी मोटरेबल पुल सम्पन्न
<p>काठमाडाैं। लमजुङ र छिमेकी जिल्ला तनहुँ जोड्ने पाउँदी मोटरेबल पुल निर्माण भएको छ। जिल्लाको सुन्दरबजार नगरपालिका-६ र तनहुँको भानु नगरपालिका-११ मानेचौका जोड्ने मोटरेबल पुलको निर्माण भएको सडक डिभिजन कार्यालय दमौलीले जनाएको छ।</p>
<p>कार्यालयका अनुसार सपना निर्माण सेवा कम्पनीले १८६ दशमलव आठ सेन्टिमिटर लम्बाइ र ११ मिटर चौडाइ लामो उक्त पुलको निर्माण गरेको हो। सो कम्पनीले करिब तीन वर्षभित्रै निर्माण सक्ने गरी उक्त कार्यालयसँग विसं २०७४ असार १८ गते सम्झौता गरेको थियो।</p>
<p>सम्झौताअनुसार गत पुस मसान्तभित्र पुलको निर्माण गरिसक्नुपर्ने थियो। निर्धारित समयमा सम्पन्न हुन नसकेपछि पुन: म्यान थप गर्दै यही साउन मसान्तसम्म सम्पन्न गर्ने गरी सम्झौता भएको थियो। रु २० करोड ९७ लाखको लागतमा निर्माण भएको सडक डिभिजन कार्यालयका इञ्जिनीयर नारायण पौडेलले बताए।</p>
<p>कम्पनीले निर्माण जिम्मा लिएर फम बिछ्याउने, पुलको जग हाल्ने, दुवैतर्फमा एक/एक पिलर, बीचमा चार पिलर, स्टिक्चर, वर्डर, ग्याबिन जालीलगायत काम लकडाउन अघि सम्पन्न गरे पनि पुलमाथि ढलान गर्ने कार्य केही दिन अघि मात्र सम्पन्न गरेको हो।</p>
<p>नाउँदी र पाउँदी खोला मिसिएको उक्त स्थानमा मोटरेबल पुल नहुँदा बर्खायाममा सवारी साधन आवतजावत रोकिँदै आएको थियो। पुल सम्पन्न भएपछि यतिबेला दुई जिल्लाबीच सहज आवतजावत हुन थालेको छ।</p>
<p>यसअघि सो स्थान नजिकै रहेको झोलुङ्गे पुलबाट मान्छे र मोटरसाइकल आवतजावत गर्ने गरेका थिए। अन्य सवारी साधन भने हिउँदको बेलामा खोलाबाटै गुड्दै आएका थिए।</p>
<p>रासस</p>
प्रतिक्रिया दिनुहोस्
.jpg)
