मृत अवस्थामा तीन जना फेला
<p>काठमाडौं। नवलपरासी (पूर्व) मध्यबिन्दु नगरपालिका-४ स्थित नारायणी इँटाभट्टामा काम गर्ने सोही नगरपालिका-११ दुवार्दा घर भएका ४२ वर्षीय मित्र बहादुर कुमाल सोही ठाउँस्थित उल्टिखोलामा मृत अवस्थामा फेला परेका छन्।</p>
<p>नुहाउन जान्छु भनी निस्केका उनी अबेरसम्म नआएपछि स्थानीयले खोजी गर्ने क्रममा मृत फेला परेका हुन्।</p>
<p>यसैगरी मध्यबिन्दु नगरपालिका-६ बस्ने ५१ वर्षीया सिता पौडेल आफ्नै घरदेखि करिब ५ सय मिटर टाढा खेतमा बुधबार मृत अवस्थामा फेला परेकी छन्।</p>
<p>दाङको घोराही उपमहानगरपालिका-१२ जगल्टे बस्ने ६५ वर्षीय मान बहादुर खड्का घर निजिकै कुलोमा डुबेर मृत अवस्थामा फेला परेका छन्।</p>
<p>घरबाट मंगलबार सामान किन्न निस्केका उनी साँझसम्म नआएपछि खोजी गर्ने क्रममा उक्त कुलोमा बुधबार मृत फेला परेका हुन्। <br />
घटनाका सम्बन्धमा स्थानीय प्रहरीले थप अनुसन्धान गरिरहेको छ।</p>
प्रतिक्रिया दिनुहोस्
.jpg)
