डुंगा डुब्दा बंगलादेशमा कम्तीमा १७ जनाको मृत्यु
<p>ब‌ंगलादेश। बंगलादेशमा बुधबार भएको डुंगा दुर्घटनामा परी कम्तीमा १७ यात्रुको मृत्यु भएको छ।</p>
<p>देशको राजधानी ढाकादेखि १५८ किलोमिटर टाढा पर्ने नेट्रोकोना जिल्लामा भएको दुर्घटनामा परी एकजना अझै बेपत्ता छन्।</p>
<p>“दुर्घटनामा परी मृत्यु भएका १७ जनाको शव हामीले ल्याएका छौँ, अर्का एकजनाको खोजी भइरहेको छ,” जिल्लाका एकजना प्रहरी प्रमुख एकेएम मोनिरुल इस्लामले भने। </p>
<p>उनले खराब मौसमका कारण बुधबार मध्याह्नको समयमा डुङ्गा दुर्घटना भएको पनि सञ्चारकर्मीलाई जानकारी दिए।</p>
<p>दुर्घटनामा परेको डुंगामा ४८ जना यात्रु रहेका थिए । तीमध्ये ३० जना यात्रु पौडिएर बाँच्न सफल भएको उनले बताए।</p>
प्रतिक्रिया दिनुहोस्
.jpg)
