मानव बेचबिखन मुद्दाका फरार अभियुक्त पक्राउ
<p>काठमाडौं। मानव बेचबिखन तथा ओसारपसार मुद्दाका एक जना फरार अभियुक्त पक्राउ परेका छन्।</p>
<p>सिन्धुपाल्चोकको चौतारा नगरपालिका-१ घर भई काठमाडौंको गोकर्णेश्वर नगरपालिका-३ बस्नेत गाउँ बस्ने ४६ वर्षीय याङलाल लामा भन्ने ह्यांगलाल तामाङलाई पक्राउ परेका हुन्।</p>
<p>मानव बेचबिखन नियन्त्रण ब्यूरोको टोलीले उनलाई सोमबार पक्राउ गरेको हो। </p>
<p>उनीसहितको संलग्नतामा उदयपुर, झापा, सिन्धुपाल्चोक र काठमाडौंका गरी चार जना महिलालाई कुवेतमा राम्रो तलब हुने र घरायसी काममा लगाइ दिने भन्दै २०७३ सालमा भारतको दिल्लीस्थित उत्तमपुरमा बन्दक बनाएका थिए।</p>
<p>भारतस्थित नेपाली राजदूतावासको सहयोगमा २०७४ सालमा ती महिलाहरूको उद्दार गरेर प्रहरीले आफन्तलाई जिम्मा लगाइ सकेका छन्।</p>
प्रतिक्रिया दिनुहोस्
.jpg)
