बेरुत विस्फोट: सहयोग सामग्रीसहित फ्रान्सेली राष्ट्रपति म्याक्रोन लेबनान जाने
<p>काठमाडौं। राजधानी बेरुतमा मंगलबार भएको विस्फोटपछि फ्रान्सेली राष्ट्रपति इमानुएल म्याक्रोन बिहीबार लेबनान जाने भएका छन्। </p>
<p>म्याक्रोनले आफ्ना समकक्षी लेबनानका राष्ट्रपति माइकल औन, प्रधानमन्त्री हसन डिएबलगायतलाई भेट्ने एलिज प्यालेसले घोषणा गरेको छ। फ्रान्सले विस्फोटले आतंकित बनेको लेबनानलाई स्वास्थ्य सामग्री र रेस्क्यु टीमसहित तीन प्लेन बेरुत पठाउने तयारी गरेको छ। </p>
<p>बेरुतको बन्दरगाहमा भएको विस्फोटलाई लिएर फ्रान्सका प्रधानमन्त्री जिएन कास्टेक्स अहिले फान्स-एडको तयारीसम्बन्धी बैठकमा रहेको फ्रान्स२४ ले बताएको छ। </p>
<p>बेरुतमा मंगलबार दिउँसो भएको त्यो विस्फोटनमा परी १०० जनाभन्दा बढीको मृत्यु भएको थियो। र, प्रारम्भिक अनुसान्धानबाट विस्फोटको कारण लापर्बाही रहेको खुलेको छ।</p>
<p>विगत ६ वर्षदेखि त्यहीँ रहेको त्यो विस्फोटक सामग्रीमाथि सम्बन्धित निकायले सावधानी नअपानउँदा बेरुतले त्यो दुर्घटना भोग्नु परेको प्रारम्भिक अुसन्धानको रिपोर्टमा बताइएको छ।</p>
<p>लेबनान विगतमा फ्रान्सको संरक्षित राज्य रहेको थियो।</p>
प्रतिक्रिया दिनुहोस्
.jpg)
