मदन पुरस्कारका लागि ७ वटा पुस्तक छनोट
<p>काठमाडौं। मदन पुरस्कार गुठीले ‘मदन पुरस्कार २०७६’ का लागि सातवटा पुस्तक छनोट गरेको छ।</p>
<p>गुठीलाई प्राप्त १५१ पुस्तकमध्ये सातवटा पुस्तक छनोटमा परेका हुन्।</p>
<p>प्राप्त भएका पुस्तकहरूमध्येबाट बढीमा १० पुस्तकको सूची तयार पार्न समिति गठन गरिएको थियो।</p>
<p>समितिले सात पुस्तक छनोट गरेको गुठीका अध्यक्ष कुन्द दीक्षितले जानकारी दिए। जसमा विमल निभाको जोकरको बन्दुक, तीर्थ श्रेष्ठको धर्सैधर्साको चक्रब्यूह, भुवन ढुंगानाको परित्यक्ता, योगी धर्ममहारसको महारसनिघण्टु (खण्ड १-३), चन्द्रप्रकाश बानियाँको महारानी, ललित विष्टको मोहपथ र शारदा शर्माको यात्रामा रहेका छन्। </p>
<p>छनोटमा परेको यी सात पुस्तकमध्ये एउटा २०७६ सालको मदन पुरस्कार प्रदान गरिनेछ। २०७५ सालको मदन पुरस्कार योगेश राजद्वारा लिखित ‘रणहार’ लाई प्रदान गरिएको थियो।</p>
<p>वि.स. २०१२ सालमा स्थापना भएको मदन पुरस्कार गुठीले पहिलोपटक २०१३ सालमा सत्यमोहन जोशी, चित्तरञ्जन नेपाली र बलराम जोशीले उक्त पुरस्कार पाएका थिए।</p>
<p>चार लाख राशिको उक्त पुरस्कार हरेक वर्ष प्रदान गरिँदै आइएको छ।</p>
प्रतिक्रिया दिनुहोस्
.jpg)
