यस वर्ष यसरी मनाइनेछ अन्तर्राष्ट्रिय युवा दिवस
<p>काठमाडौं। अन्तर्राष्ट्रिय युवा दिवस विभिन्न कार्यक्रम गरी मनाइने भएको छ।</p>
<p>विगतका वर्षहरूमा झैँ भौतिकरूपमै उपस्थित भएर कार्यक्रम गर्न सहज परिस्थिति नभएकाले यस वर्ष धेरै कार्यक्रमहरू भर्चुअल माध्यमबाट गर्ने राष्ट्रिय युवा परिषदले जनाएको छ।</p>
<p>पत्रकार सम्मेलन गर्दै परिषद्ले कार्यक्रमहरू सार्वजनिक गरेको छ।</p>
<p>निबन्ध लेखन प्रतियोगिता साउन २३ गते, दिवसको नारा शीर्षकमा भिजन प्रतियोगिता साउन २५ गते हुनेछ।</p>
<p>कार्यक्रम एसओएस सभाहल सानोठिमी भक्तपुर र भर्चुअल विधिबाट हुने परिषद्ले जनाएको छ।</p>
<p>त्यस्तै बृहत रक्तदान कार्यक्रम साउन २४ गते काठमाडौं महानगरपालिका–७ चाबहिल चोक र वडा न. १४ माई मन्दिर परिसरमा गरिने भएको छ।</p>
<p>सोही दिन सूर्यविनायक नगरपालिका-५ मा वृक्षारोपण कार्यक्रम गरिनेछ।</p>
<p>भोजन सेवा कार्यक्रम साउन २६ गते मानव कल्याण समाज सेवा घर चाँगुनारायण नगरपालिका भक्तपुरमा, कोभिड-१९ लक्षित स्वयंसेवकलाई अभिमुखीकरण साउन २५–२७ गतेसम्म भर्चुअल माध्यमबाट हुने परिषद्को भनाइ छ।</p>
<p>युवा संवाद कार्यक्रम साउन २८ गते नेपाल टेलिभिजनमार्फत् युवाका लागि सन्देश प्रधानमन्त्री र युवा तथा खेलकुदमन्त्रीले दिने कार्यक्रम रहेको युवा परिषद्को भनाइ छ।</p>
<p>विश्वका विभिन्न मुलुकमा सन् २००० देखि मनाउँदै आइएको युवा दिवस नेपालमा सन् २००४ देखि मनाउन थालिएको हो।</p>
प्रतिक्रिया दिनुहोस्
.jpg)
