सिन्धुपाल्चोकको मेलम्चीमा पहिरोले पुरिएर ८ मजदुर बेपत्ता
<p style="text-align: justify;">काठमाडौं। सिन्धुपाल्चोकको मेलम्ची बजारनजिकै पहिरोमा पुरिएर आठजना मजदुर बेपत्ता भएका छन्। </p>
<p style="text-align: justify;">मेलम्ची नगरपालिका-११ स्थित मेलम्ची बजार पिपल बोटमा कभर्ड निर्माणका लागि खटिएका मजदुरहरूलाई पहिरोले पुरेको मेलम्ची नगरपालिकाका मेयर डम्बरबहादुर अर्यालले <em>देखापढी</em>लाई बताए। </p>
<p style="text-align: justify;">मजदुरहरू बसेको छाप्रो पहिरोले पुर्दा ९ जना हराएका थिए। तीमध्ये एकजनाको जीवितै उद्धार गरिएको छ। आठजनाको खोजी भइरहेको छ। </p>
<p style="text-align: justify;">"घटनास्थलको प्रकृति हेर्दा उनीहरूको जीवितै उद्धार हुनसक्ने सम्भावना न्यून देखिन्छ", उनले भने। </p>
<p style="text-align: justify;">मेयर अर्यालका अनुसार ती मजदुरहरू ठेकेदारले तराईबाट ल्याएका थिए। उनीहरूको नाम ठेगाना खुलिसकेको छैन। </p>
<p style="text-align: justify;">घटनास्थलमा नेपाल प्रहरी, सशस्त्र प्रहरी, नेपाली सेना र स्थानीयको टोलीले उद्धारलाई जारी राखेको छ। </p>
.jpg)
