चिनियाँ र अस्ट्रेलियाका राजदूतबीच ट्विटर भीडन्त
<p>काठमाडौं। भारतमा कार्यरत चीन र अस्ट्रेलियाका राजदूत शुक्रबार ट्‍विटरमा भिडेका छन्। एक बजे चिनियाँ राजदूत सुन वेइदोङले एउटा ट्विट गरेका थिए।</p>
<p>‘‘भारतमा अस्ट्रेलियाको उच्चायोगले दक्षिण चीन सागरबारे तथ्यलाई उपेक्षा गर्दै बोलेको छ,’’ वेइदोङले ट्‍विट गरे, ‘‘चीनको क्षेत्रीय सम्प्रभुता तथा समुद्री अधिकार नियममुताबिक छ। यो एकदम स्पष्ट छ, कुन इलाकामा को शान्ति र सुरक्षाका लागि काम गरिरहको छ र को अस्थिरता निम्त्याउन भड्काइरहेको छ।’’</p>
<p>यसको जवाफमा भारतका लागि अस्ट्रेलियाली उच्चयुक्त बरी ओ फारेलले ट्‍विट गरे, ‘‘भारतका लागि चिनियाँ राजदूत तपाईंलाई धन्यवाद। म विश्वास गर्छु, तपाईंले २०१६मा भएको दक्षिण चीन सागरमाथि अन्तर्राष्ट्रिय अदालतको फैसला पालना गर्नु हुनेछ। साथै, एकतर्फी कारवाहीबाट पनि तपाईं बच्नु हुने छ, जसले यथास्थिति बदलिदिन्छ।’’</p>
<p>कोरोना भाइरसका कारण संसारका कतिपय मुलुकबीचका सम्बन्धहरुमा उलटपुलट आउन थालेको छ। हिजोसम्म विश्वास गरिएका देश आज दुश्मन बन्‍न पुगेका छन्। यस्तो मामिलामा बढी मात्रामा चीन देखिएको छ। चीन हिजोका दिनमा कतिय मुलुकको विश्वास पात्र र व्यावसायिक साझेदार थियो, आज त्यो सम्बन्ध बिग्रिएको छ र भनाभभन समेत चलेको छ।</p>
<p>एसिया-प्यासिफिकमा चीनको सबैभन्दा बढी सम्बन्ध अस्ट्रेलियासँग बिग्रन पुगेको छ। अस्ट्रेलियाले वुहानबाट फैलिएको भाइरसको जाँचको माग गरेको थियो। यसपछि चीन रिसाएको र अस्ट्रेलियाबाट हुने थुप्रैखाले आयात बन्द गरेको थियो।</p>
<p>(बीबीसी)</p>
प्रतिक्रिया दिनुहोस्
.jpg)
