भारतमा मदिरा पसल बन्द भएपछि स्यानिटाइजर पिउँदा दश जनाको मृत्यु
<p>बीबीसी। भारतको आन्द्र प्रदेशमा सरकारले मदिरा पसल बन्द गरेपछि स्यानिटाइजर पिएर कम्तिमा दश जनाको मृत्यु भएको छ।</p>
<p>कोरोना भाइरसको महामारीका कारण लकडाउन गरिएको आन्द्र प्रदेशको कुरिचेदुका ती व्यक्तिहरूले स्यानिटाइजर पिएका थिए।</p>
<p>जिल्ला प्रहरी कार्यलयका प्रमुख सिद्धार्थ कौशलले दिएको जानकारीअुसार उनीहरूले पानी र ‘सफ्ट ड्रिङ्क’मा मिसाएर स्यानिटाइजर पिएका थिए।</p>
<p>“उनीहरू मदिरामै निर्भर रहेको र मृत्यु हुनुभन्दा दश दिन अगाडिदेखि स्यानिटाइजर पिउँदै आएका थिए,” प्रहरी प्रमुख कौशलले भने, “यस्ता अन्य केसहरू बारे छानबिन गरिरहेका छौं।”</p>
<p>उनीहरूले पिएको स्यानिटाइजरको स्याम्पल परीक्षणका लागि पठाइएको पनि उनले बताएका छन्।</p>
प्रतिक्रिया दिनुहोस्
.jpg)
