निजामती कर्मचारीको निर्वाचन गर्न कार्यालय स्थापना
<p style="text-align: justify;">काठमाडाैं। निजामती कर्मचारीको आधिकारिक ट्रेड युनियनको निर्वाचनका लागि निर्वाचन कार्यालय स्थापना गरिएको छ।</p>
<p style="text-align: justify;">सिंहदरबार परिसरमा यही असोज २४ गते हुने निर्वाचनका लागि कार्यालय स्थापना गरिएको युनियनका कार्यवाहक अध्यक्ष भोला पोखरेलले जानकारी दिए।</p>
<p style="text-align: justify;">२०७३ जेठ १९ गते भएको युनियनको निर्वाचनमा पुण्यप्रसाद ढकालको नेतृत्वमा निर्वाचित पदाधिकारीको पदावधि ६ महिना बाँकी छ।</p>
<p style="text-align: justify;">अध्यक्ष ढकाल उपसचिवमा बढुवा भएपछि अहिले कार्यवाहक अध्यक्षको रूपमा पोखरेल छन्।</p>
<p style="text-align: justify;">सरकारले निर्वाचनका लागि कलानिधि पौडेल प्रमुख निर्वाचन अधिकृत तोकेको छ।</p>
<p style="text-align: justify;">कार्यवाहक अध्यक्ष पोखरेलले निर्वाचन कार्यालय स्थापनासँगै मतदाना नामावली, निर्वाचन कार्यविधि तयार गरिने बताए।</p>
<p style="text-align: justify;">उनले निर्वाचन कार्यालय स्थापना भए पनि कोभिड-१९ र त्यतिबेला नै कर्मचारीको सरुवा हुने भएकाले तोकिएको समयमा निर्वाचन गर्न कठिनाइ हुने बताए। </p>
<p style="text-align: justify;">करिब ९२ हजार निजामती कर्मचारीले सहभागी हुने निर्वाचन पूर्ण समानुपातिक प्रणालीमा देशभर एकैपटक हुनेछ।</p>
<p style="text-align: justify;">निर्वाचनमा नेपाल निजामती कर्मचारी स‌ंगठन, नेपाल निजामती कर्मचारी संघ युनियन, मधेशी कर्मचारी मञ्चलगायत कर्मचारीका संघ संगठनको सहभागिता हुनेछ।</p>
<p style="text-align: justify;">कार्यवाहक अध्यक्ष पोखरेलले निर्वाचनमा स्वास्थ्य सेवाका कर्मचारीलाई पनि समेट्नुपर्ने बताए। स्वास्थ्य सेवामा करिब २२ हजार कर्मचारी छन्। <em>रासस</em></p>
.jpg)
