जङ्गली च्याउ खाँदा एक बालकको मृत्यु, चार बिरामी
<p>अमरगढी। जङ्गली च्याउ खाँदा डडेल्धुरामा एक बालकको मृत्यु र चार बिरामी भएका छन्। </p>
<p>नवदुर्गा गाउँपालिकामा-३ मा वनजङ्गलबाट टिपेर ल्याइएको च्याउ खाँदा आठ वर्षीय बालक ललित धामीको मृत्यु भएको प्रहरीले जनाएको छ।</p>
<p>च्याउ खाएपछि बिरामी भएका बालक धामीलाई उपचारका लागि कैलालीको सेती प्रादेशिक अस्पताल लैजाँदै गर्दा बाटोमै मृत्यु थियो। </p>
<p>उनको शव परीक्षणका लागि अस्पतालमा राखिएको छ। </p>
<p>च्याउ खाँदा बिरामी भएकी बालकका आमा बिस्ना धामी र तीन दिदीबहिनीको सेती प्रादेशिक अस्पतालमा उपचार भइरहेको छ।</p>
प्रतिक्रिया दिनुहोस्
.jpg)
