सङ्खुवासभा र धनकुटाको सीमा केवाबेँसीमा अस्थायी प्रहरी चौकी
<p style="text-align: justify;">खाँदबारी। धनकुटा र सङ्खुवासभाको सिमाना केवाबेँसीमा अस्थायी प्रहरी चौकी स्थापना गरिएको छ। </p>
<p style="text-align: justify;">धर्मदेवी नगरपालिका-८ मा पर्ने धनकुटा र सङ्खुवासभाको सिमानामा लामो समयदेखि स्थानीयवासीले प्रहरी चौकी स्थापना गर्न माग गर्दै आएका थिए। </p>
<p style="text-align: justify;">प्रहरी चौकीका लागि स्थानीयवासी भक्तबहादुर कटुवाल, दुर्गादेवी कटुवाल र ज्ञानबहादुर कटुवालले जग्गासमेत निःशुल्क दिएका छन्। </p>
<p style="text-align: justify;">यसअघि सभाखोलामा जाँच भएपछि धनकुटाको लेगुवाघाटमा मात्र प्रहरीचौकी थियो। केवा आसपासका स्थानीयवासीलाई चौकी नहुँदा सभाखोलासम्म आएर उजूरी गर्नुपर्ने बाध्यता हटेको स्थानीयवासी धनमाया श्रेष्ठले बताइन्। </p>
<p style="text-align: justify;">जिल्ला प्रवेशको मुख्य नाका भएका कारण सुरक्षा सर्तकताको दृष्टिकोणले सुरक्षामा कडाइ गरिने जिल्ला प्रहरी कार्यालय सङ्खुवासभाका प्रमुख नवराज मल्लले बताए। </p>
<p style="text-align: justify;">उक्त अस्थायी प्रहरी चौकीमा सुरक्षाका लागि प्रहरी सहायक निरीक्षकको नेतृत्वमा सातजनाको प्रहरी टोली राखिएको छ । रासस</p>
.jpg)
