पहिरो पन्छाएपछि खुल्यो नारायणगढ-मुग्लिन सडक
<p>चितवन। माथिबाट पहिरो खसेपछि अवरुद्ध नारायणगढ-मुग्लिन सडकखण्ड सञ्चालनमा आएको छ।</p>
<p>मंगलबार राति १६ किलोमा खसेको पहिरो दिनभर लगाएर पन्छाएपछि अहिले ७ः४५ बजेदेखि सडक एकतर्फी सञ्चालनमा आएको हो।</p>
<p>भरतपुर महानगरपालिका-२९ को बालुवा पुल नजिकै राति ८ः४५ बजे ठूला चट्टानसहित पहिरो झरेको थियो।</p>
<p>डिभिजन सडक कार्यालय भरतपुरका ई. विजय दराईका अनुसार ब्रेकरले चट्टान फोडेर पहिरो पन्छाइएको हो।</p>
<p>पहिरो पन्छाउन नारायणगढतर्फ दुईवटा एक्साभेटर र मुग्लिनतर्फ दुईवटा लोडर परिचालन गरिएको थियो।</p>
<p>सो ठाउँमा झरेको पहिराले १५० मिटर सडक ढाकेको थियो।</p>
<p>पहिरो आज बिहान ९ बजेदेखि पन्छाउन थालिएको थियो।</p>
<p>पहिरो पन्छाएसँगै मुग्लिनतर्फ जाने र आउने सवारीसाधन गन्तव्यतर्फ लागेका छन्।</p>
<p>सवारीको चाप कम भएपछि सडक पूरै सफा गरिनेछ। <em>रासस</em></p>
प्रतिक्रिया दिनुहोस्
.jpg)
