विद्यार्थी भर्ना भदौ १ गतेबाट गर्ने निर्णय
<p>काठमाडौं। विद्यार्थी भर्ना भदौ १ गतेबाट गर्ने निर्णय गरिएको छ। </p>
<p>विद्यार्थी भर्ना, शैक्षिक र अन्य परीक्षा सञ्चालन गर्ने निर्णय मन्त्रिपरिषद्को बैठकले गरेको हो। </p>
<p>यद्यपि विद्यालय सञ्चालन भने तत्काल हुने छैन। </p>
<p>विद्यालय सञ्चालनकाे विषयमा भने संक्रमणकाे अवस्था हेरेर भदाै १ गतेभन्दा अघि नै फेरि बैठक बसेर कहिलेदेखि विद्यालय सञ्चालन गर्न सकिने भन्ने निर्णय गरिने सरकारका प्रवक्ता डा. युवराज खतिवडाले जानकारी दिए।</p>
<p>“अनलाइनकै माध्यमबाट पठनपाठनबाट गर्दा पनि शैक्षिक घण्टाहरू जोड्दै जाने र अन्य वैकल्पिकबाट पठनपाठन गर्दा पनि शैक्षिक सत्र बिग्रँदैन, त्यसैले यस विषयमा शिक्षा मन्त्रालयले पनि गृहकार्य गरिरहेको छ”, उनले भने। </p>
<p>सरकारले गत चैत ११ गतेबाट लकडाउन घोषणा गरेसँगै सम्पूर्ण शैक्षिक कार्यक्रम पनि बन्द गरेको थियो।</p>
<p>६ चैतबाट हुन लागेको माध्यमिक शिक्षा परीक्षा (एसईई) पनि स्थगित भएको थियो। विश्वविद्यालयस्तरका परीक्षा तथा अध्ययन अध्यापन पनि बन्द भएका थिए। </p>
<p>एसईई परीक्षालाई विद्यालयको आन्तरिक मूल्यांकनको आधारमा गर्ने निर्णय गरेको थियो।</p>
<p>साउन १५ भित्र एसईईको नतिजा सार्वजनिक गर्ने गरी राष्ट्रिय परीक्षा बोर्डले तयारी थालेको छ।</p>
<p> </p>
प्रतिक्रिया दिनुहोस्
.jpg)
