दिल्लीमा प्रत्येक चारमध्ये एकजनालाई कोरोना संक्रमण !
<p>काठमाडौं। भारतको राजधानी दिल्लीमा प्रत्येक चार मानिसमध्ये एकमा कोरोना भाइरसको संक्रमण हुन सक्ने एक सर्भेले देखाएको छ।</p>
<p>भारतको नेशनल सेन्टर फर डिजिज कन्ट्रोलले राजधानी दिल्लीमा २१ हजार ३८७ जनामा गरेको परीक्षणमा २३.४८ प्रतिशत मानिसमा कोभिड-१९ को एण्टीबडी देखिएको थियो।</p>
<p>सर्भेकाे नतिजाबाट दिल्लीमा कोरोना भाइरस संक्रमणको अवस्था भनिँदै आएभन्दा धेरै बढी खराब देखिएको विज्ञहरूलाई उद्यृत गर्दै बीबीसीले जनाएको छ। </p>
<p>दिल्लीमा अहिलेसम्म एक लाख २३ हजार ७४७ जनामा कोरोना भाइरसको संक्रमण पुष्टि भएको छ। जुन एक करोड ९८ लाख जनसंख्या भएको राजधानीमा एक प्रतिशतभन्दा पनि कम हो।</p>
<p>ताजा सर्भेको तथ्यांकअनुसार २३.४८ प्रतिशतको हिसाब गर्ने हो भने दिल्लीमा ४६ लाख ५० हजारभन्दा बढी मानिसमा कोरोना संक्रमण भएको अनुमान छ। </p>
<p>दिल्लीमा संक्रमण पुष्टि भएकामा पनि कोरोना भाइरसको कुनै लक्षण नदेखिएकाले परीक्षणमा समस्या भएको र यकिन तथ्यांक निकाल्न कठिन भएको सरकारी पक्षले बताएको छ।</p>
प्रतिक्रिया दिनुहोस्
.jpg)
