एक हजार नेपाली स्वदेश फर्किए
<p style="text-align: justify;">काठमाडाैं। विभिन्न मुलुकमा अलपत्र एक हजार १५५ नेपाली स्वदेश फर्किएका छन्।</p>
<p style="text-align: justify;">कोभिड-१९ महामारीका कारण विदेशमा अलपत्र परेका नेपालीको उद्धारका लागि भएको तेस्रो चरणको चार्टर्ड उडानमार्फत् उनीहरू स्वदेश फर्किएका हुन् ।</p>
<p style="text-align: justify;">त्रिभुवन अन्तर्राष्ट्रिय विमानस्थलमा आज आवागमन र प्रस्थान दुवै गरी १३ अन्तर्राष्ट्रिय चार्टर्ड उडान भएका छन्।</p>
<p style="text-align: justify;">यी उडानबाट ६ शव पनि नेपाल ल्याइएको छ।</p>
<p style="text-align: justify;">नेपाल एअरलाइन्सले रियादबाट २५८ यात्रु र दुई शव नेपाल ल्याएको छ।</p>
<p style="text-align: justify;">सोही एअरलाइन्सले बहराइनबाट १२९ यात्रु र एक शव ल्याएको छ। दोहाबाट पनि १४९ यात्रु र दुई शव ल्याएको छ।</p>
<p style="text-align: justify;">हिमालय एअरलाइन्सले दोहाबाट १५६ र बहराइनबाट १३९ नेपाली काठमाडौं ल्याएको विमानस्थल कार्यालयले जनाएको छ।</p>
<p style="text-align: justify;">त्यस्तै फ्लाइ दुबईले दुबईबाट १५७ नेपाली काठमाडौं ल्याएको छ।</p>
<p style="text-align: justify;">थप नेपाली ल्याउन नेपाल एअरलाइन्स दुबई र दोहा तथा हिमालय एअरलाइन्स दोहा र अबुधाबी प्रस्थान गरेको विमानस्थल कार्यालयले जनाएको छ।</p>
<p style="text-align: justify;">आइतबार पनि यी दुवै एअरलाइन्सले विभिन्न मुलुकबाट आठ उडान गर्ने जनाइएको छ। <em>रासस</em></p>
.jpg)
