गाई काटेको आरोपमा एकजना पक्राउ
<p style="text-align: justify;">चितवन। चितवनमा गाई काटेको आरोपमा प्रहरीले एकजनालाई पक्राउ गरेको छ।</p>
<p style="text-align: justify;">पक्राउ पर्नेमा कालिका नगरपालिका-३ दुई सय बिघाका हानुप तामाङ रहेको जिल्ला प्रहरी कार्यालय चितवनका प्रहरी नायव उपरीक्षक सूर्यबहादुर थापाले जानकारी दिए। </p>
<p style="text-align: justify;">स्थानीय सन्तबहादुर तामाङको घरमा गाई काटेर भाग लगाउँदै गरेको अवस्थामा प्रहरीले उनलाई पक्राउ गरेको हो।</p>
<p style="text-align: justify;">घटनामा संलग्न पाँचमध्ये अन्य चारजना फरार रहेको थापाले बताए। </p>
<p style="text-align: justify;">सो ठाउँबाट बरामद गरिएको मासु स्थानीय जनप्रतिनिधि, भेटेरेनरी विशेषज्ञलगायतको उपस्थितिमा प्रहरीले मुचुल्का उठाएर खाल्डो खनेर गाडेको छ।</p>
<p style="text-align: justify;">घटनाका विषयमा अनुसन्धान भइरहेको र फरार रहेकाको खोजी जारी रहेको प्रहरीले जनाएको छ।</p>
<p style="text-align: justify;">पक्राउ परेका व्यक्तिलाई पशुपक्षी कसुरसम्बन्धी मुद्दा चलाई कारबाही गरिने प्रहरीले जनाएको छ। <em>रासस</em></p>
.jpg)
