दोस्रो त्रैमासमा चीनको अर्थतन्त्र ३.२ प्रतिशतले वृद्धि
<p>काठमाडौं। कोरोना भाइरसको महामारीका कारण शिथिल बनेको चिनियाँ अर्थतन्त्रमा पुन: सुधाराेन्मुख देखिएको छ।</p>
<p>यस वर्ष (सन् २०२०) को दोस्रो त्रैमासमा चीनको अर्थतन्त्र ३.२ प्रतिशतले वृद्धि भएको हो। </p>
<p><br />
विश्वको दोस्रो ठूलो अर्थतन्त्र भएको चीनमा कोरोना भाइरस नियन्त्रणका लागि गरिएको लकडाउनका कारण वर्षको सुरूआती तीन महिना तीव्र गिरावट देखिएको थियो।</p>
<p>तर, बुधबार सार्वजनिक दोस्रो त्रैमास (अप्रिल-जुन) को प्रतिवेदनमा चीनको कूल गार्हस्थ उत्पादन (जीडीपी) पुनारावृत्ति भएको देखिएको छ।</p>
<p>चीनले आफ्नो अर्थव्यवस्था पुनः सुचारू गरेपछि विश्वले नै नजिकबाट नियालीरहेको छ।</p>
<p>दोस्रो त्रैमासमा देखिएको वृद्धि विज्ञहरूले आकलन गरेभन्दा राम्रो भएको बताइएको छ। विज्ञहरूले तीव्र गिरावटपछि ‘भी’ आकारको पुनरावृत्ति आकलन गरेका थिए।</p>
<p>यसको अर्थ चीनले लगातार दुईवटा त्रैमासमा शून्यभन्दा तल जानसक्ने प्राविधिक मन्दीबाट पनि आफ्नो अर्थतन्त्रलाई जोगाएको छ।</p>
<p>पछिल्लो वृद्धिले पहिलो त्रैमासमा बेहोरेको ६.८ प्रतिशतको गिरावट पूर्ति गर्नसमेत सहयोग पुगेको जनाइएको छ। पहिलो त्रैमासमा भएको उक्त संकुचन ऐतिहासिक थियो।</p>
<p>चीनले भाइरसको फैलावट रोक्नका लागि उक्त अवधिमा अपनाएको कडा नीतिअन्तर्गत सबैखाले व्यवसाय पूर्ण रूपमा बन्द गराएको थियो।</p>
<p>चीन सरकारले अहिले अर्थव्यवस्था अभिवृद्धि गर्न सहयोग पुर्‍याउने उद्देश्यले कर छुटलगायत विभिन्न योजना अघि सारेको छ। <em>बीबीसी</em></p>
प्रतिक्रिया दिनुहोस्
.jpg)
