विपन्न परिवारको घर बनाउँदै राप्ती नगरपालिका
<p style="text-align: justify;">चितवन। पूर्वी चितवनमा रहेको राप्ती नगरपालिकाले विपन्न परिवारका लागि घर निर्माणको काम सुरु गरेको छ।</p>
<p style="text-align: justify;">नगरपालिकाको खरका छाना विस्थापित गर्ने योजनाअनुसार नगरपालिकाका प्रत्येक वडामा दुई-दुईवटा घर निर्माण गर्न सुरु गरिएको हो।</p>
<p style="text-align: justify;">नगरपालिका प्रमुख प्रभा बरालका अनुसार हरेक वर्ष विपन्न परिवारमध्ये अति विपन्न छनोट गरी दुई परिवारको घर निर्माण गरिनेछ।</p>
<p style="text-align: justify;">नगरपालिकाको तीन लाख सहयोग र स्थानीयवासीको श्रमदानमा दुईकोठे घर निर्माण गरी हस्तान्तरण गरिने उनले बताइन्।</p>
<p style="text-align: justify;">नगरभित्र रहेका एकल महिला, वृद्धवृद्धालाई प्राथमिकतामा राखिएको उनको भनाइ छ।</p>
<p style="text-align: justify;">नगरपालिकामा १३ वटा वडा छन्। जसमध्ये १, २, ४, ५, ७, ८, ९, ११ र १२ वडामा पहिलो चरणका घरहरू हस्तान्तरण गरी सकिएको प्रमुख बरालले जानकारी दिइन्। </p>
<p style="text-align: justify;">अन्य वडाहरूमा निर्माणको काम भइरहेको उनले बताइन्।</p>
.jpg)
