हात्ती धपाउन लगाइएको विद्युतीय तारबाट करेन्ट लाग्दा एकजनाको मृत्यु
<p style="text-align: justify;">झापा। झापाको मेचीनगर नगरपालिका-९ मा हात्ती धपाउन लगाइएको विद्युतीय तारबारमा परेर आज सोही स्थानका ६४ वर्षीय बद्रीप्रसाद थपलियाको मृत्यु भएको छ।</p>
<p style="text-align: justify;">खेतमा पानी मिलाउने क्रममा आफैंले हात्ती धपाउन थापेको विद्युतीय पासोमा परी उनको मृत्यु भएको जिल्ला प्रहरी कार्यालय झापाका प्रवक्ता राकेश थापाले बताए। </p>
<p style="text-align: justify;">सोमबार बेलुका ५ः४५ बजेको समयमा करेन्ट लाग्दा उनको मृत्यु भएको थियो। मृतक थपलियाको मेची अञ्चल अस्पतालमा शव परीक्षणपछि आजै दाहसंस्कार गरिएको छ। </p>
<p style="text-align: justify;">११ महिनाअघि मात्र मृतकका दाजु गङ्गा थपलियाको पनि करेन्ट लागेरै मृत्यु भएको थियो।</p>
<p style="text-align: justify;">स्थानीयवासी जानुका ओलीका अनुसार उनको पनि आफैंले हात्ती धपाउन थापेको विद्युतीय पासोमा परी खेतमा पानी लगाउने क्रममा मृत्यु भएको हो। <em>रासस</em></p>
.jpg)
