बाढी, पहिरो तथा डुबानपीडितहरूको उद्धारमा जुट्न मानव अधिकार आयोगको आग्रह
<p>काठमाडौं। राष्ट्रिय मानव अधिकार आयोगले बाढी, पहिरो तथा डुबानपीडितहरूको उद्धारमा जट्न आग्रह गरेको छ। </p>
<p>आयोगले आज एक विज्ञप्ति निकालेर पीडितहरूको तत्काल उद्धार तथा स्वास्थ्य उपचारको व्यवस्था मिलाउन, प्रभावकारी राहत वितरण गर्न संघीय, प्रदेश तथा स्थानीय सरकारलाई आग्रह गरेको हो। </p>
<p>प्रवक्ता सचिव वेद भट्टराईले जारी गरेको विज्ञप्तिमा विकास निर्माणका कार्यहरूलाई मानव अधिकारमैत्री बनाउन, प्राकृति विपद्को रोकथाममा पूर्वतयारी अपनाउन भनिएको छ।</p>
<p>आयोगका सदस्य सुदीप पाठकले आज गृहसचिव महेश्वर न्यौपानेसँग प्राकृतिक विपद्को समयमा नेपाल सरकारले गरिरहेको पहल, उद्धार राहत तथा रोकथामको सम्बन्धमा छलफल गरेका छन्।</p>
<p>क्वारेन्टिन व्यवस्थापन तथा सुरक्षा अवस्था, स्वास्थ्य परीक्षणको अवस्थाको सम्बन्धमा पनि छलफल भएको छ।</p>
<p>छलफलमा गृह सचिव न्यौपानेले विपद् व्यवस्थापन तथा महामारीमा नेपाल सरकारले संवेदनशील भई कार्य गरिरहेको बताएका थिए।</p>
<p>आयोगका प्रदेश तथा प्रदेश शाखा कार्यालयहरूबाट पीडितहरूको अवस्था, उद्धार, राहत वितरण, स्वास्थ्योपचार बसोबासलगायतका विषयमा सूचना संकलन कार्य भइरहेको जानकारी दिएको छ। </p>
प्रतिक्रिया दिनुहोस्
.jpg)
