आज यी ठाउँमा वर्षाको सम्भावना
<p>काठमाडौं। आज रातिदेखि काठमाडौं उपत्यका लगायत देशका अधिकांश ठाउँमा पानी परिरहेको छ। </p>
<p>मौसम पूर्वानुमान महाशाखाले जनाए अनुसार आज देशभर सामान्यदेखि पूर्ण बदली रही धेरैजसो स्थानहरूमा मेघगर्जन र चट्याङ्गसहित हल्कादेखि मध्यम वर्षाको सम्भावना छ। </p>
<p>प्रदेश १, २ र बागमती प्रदेशका थोरै स्थानहरूमा र गण्डकी, प्रदेश ५ तथा सुदूरपश्चिम प्रदेशको एक/दुई स्थानहरूमा भारी वर्षाको सम्भावना रहेको छ।</p>
<p>ती प्रदेश भएर बहने नदीहरूमा पानीको बहाव बढ्ने, पहाडी क्षेत्रमा भू-क्षय हुने, पहिरो जाने, सडक तथा हवाई यातायात प्रभावित हुने तथा ढल/पानीको राम्रो निकास नभएको ठाउँमा डुबान समेत हुन सक्ने भएकोले सतर्कता अनपनाउन सर्वसाधारणमा अनुरोध गरिएको छ। </p>
<p>हाल मनसुनी न्यून चापीय रेखा तराई भूभाग नजिक रहेकोले त्यसैको असर नेपालको मौसममा रहेको जल तथा मौसम विज्ञान विभागले जनाएको छ। </p>
प्रतिक्रिया दिनुहोस्
.jpg)
