नयाँ डाइभर्सन बनेपछि राजमार्ग सञ्चालन
<p style="text-align: justify;">काठमाडाैं। बाढीले डाइभर्सन बगाएपछि अवरुद्ध पूर्वपश्चिम राजमार्ग सञ्चालन भएको छ।</p>
<p style="text-align: justify;">९ घण्टापछि नयाँ डाइर्भसन निर्माण भएपछि यातायात आवागमन सञ्चालन भएको हो।</p>
<p style="text-align: justify;">पूर्वी नवलपरासीको गैँडाकोट-९, थुम्सीस्थित खहरेखोलामा आएको बाढीले डाइभर्सन बगाएपछि आज बिहान ४ बजेदेखि राजमार्ग अवरुद्ध भएको थियो।</p>
<p style="text-align: justify;">दिउँसो १ बजेबाट सडक सञ्चालन भएको इलाका प्रहरी कार्यालय गैँडाकोटका प्रहरी निरीक्षक चन्द्रबहादुर थापाले जानकारी दिए।</p>
<p style="text-align: justify;">बाटो बन्द भएपछि रोकिएका सवारीसाधन गन्तव्यमा लागेका छन्।</p>
<p style="text-align: justify;">नारायणगढ-बुटवल सडकखण्ड निर्माणको जिम्मा लिएको चिनियाँ कम्पनी चाइना स्टेट कन्स्ट्रक्सनले सडक विस्तारका क्रममा डाइभर्सन निर्माण गरेको थियो।</p>
<p style="text-align: justify;">सोही कम्पनीले नयाँ डाइभर्सन बनाएको हो।</p>
<p style="text-align: justify;">हाल गैँडाकोटबाट दाउन्नेसम्मको ६४.४ किलोमिटर सडकखण्ड विस्तारको काम भइरहेको छ। <em>रासस</em></p>
.jpg)
