.jpg)
जाजरकोटको बारेकोटमा बाढीले बगाउँदा दुईजना बेपत्ता
<p>काठमाडौं। जाजरकोटको बारेकोट गाउँपालिका-६, धुमामा बाढीले बगाउँदा दुईजना बेपत्ता भएका छन्।</p>
<p>बाढीमा परेर थप एकजना घाइते भएको गाउँपालिका अध्यक्ष महेन्द्रबहादुर शाहले बताए।</p>
<p>बाढीले स्थानीयवासीको बालिनाली बगाएर नष्ट गरेको छ।</p>
<p>बारेकोटमा अहिले पनि भारी वर्षात् भइरहेको अध्यक्ष शाहले बताए। </p>
<p>यसअघि गयरातिको वर्षातपछि आएको पहिरोले बारेकोट-४, जिरीको सार्की टोलमा दुईवटा घर बगाउँदा १२ जना बेपत्ता भएका थिए।</p>
<p>बेपत्तामध्ये पाँचजनाको शव भेटिएको प्रहरीले जनाएको छ।</p>
<p>बाँकीको खोजी कार्य जारी रहे पनि वर्षातका कारण समस्या भएको छ। पहिरोले बाटो र झोलुङ्गे पुल बगाएको छ।</p>
<p>गाउँपालिकाभित्र एक गाउँदेखि अर्को गाउँको सम्बन्ध टुटेको अध्यक्ष शाहले बताए।</p>
प्रतिक्रिया दिनुहोस्
.jpg)
