बैंकिङ कसूर मुद्दाका फरार दुई व्यक्ति पक्राउ
<p>काठमाडाैं। बैंकिङ कसूर मुद्दाका फरार दुई व्यक्तिलाई प्रहरीले पक्राउ गरेको छ।</p>
<p>उच्च अदालत पाटनले बैंकिङ कसूरमा सजाय तोकेका उनीहरूलाई काठमाडौंका विभिन्न स्थानबाट पक्राउ गरिएको प्रहरीको केन्द्रीय अनुसन्धान ब्यूरो (सीआईबी) ले आज सूचना जारी गरी जनाएको छ।</p>
<p>काठमाडौ‌ं ताम्सिपाखाका सुनिता चित्रकारलाई बिहीबार र काठमाडौं कलङ्कीका मनोजलाल सिंह दुलाललाई आज पक्राउ गरिएको हो। </p>
<p>उच्च अदालत पाटनको गत फागुन १८ गतेको फैसलाले चित्रकारलाई तीन दिन कैद र ६ लाख ५० हजार जरिवाना हुने ठहर भएको थियो।</p>
<p>सजाय बेरुजु रही फरार रहेकी चित्रकारलाई स्थानीय स्वयम्भूबाट पक्राउ गरिएको छ।</p>
<p>यस्तै उच्च अदालत पाटनको माघ १० गतेको फैसलाले सात दिन कैद र १० लाख जरिवाना ठहर भई फरार हुँदै आएका सुवाललाई स्थानीय रविभवनबाट पक्राउ गरिएको ब्यूरोले जनाएको छ। </p>
<p>उनीहरूलाई फैसला कार्यान्वयनका लागि काठमाडौं जिल्ला अदालतमा पेश गरिएको जनाइएको छ।</p>
<p>अदालतले उनीहरूले आफ्नो खातामा पर्याप्त मौज्दात रकम नभएको भन्ने जानीजानी जाहेरवालालाई झुक्यानमा पारी विभिन्न मितिमा बैंकको चेक काटी बैकिङ कसूरजन्य अपराध गरेको ठहर गरेको थियो। <em>रासस</em></p>
प्रतिक्रिया दिनुहोस्
.jpg)
