म्याग्दीको मराङमा पहिरोले ६ घर पुर्यो, ९ जना बेपत्ता
<p style="text-align: justify;">काठमाडौं। म्याग्दीको धवलागिरी गाउँपालिका-६ मराङमा पहिरोले पुरिएर ९ जना बेपत्ता भएका छन्। </p>
<p style="text-align: justify;">मराङको छुट्टाछुट्टै स्थानका ६ वटा घर पहिरोले पुरिएको गाउँपालिका अध्यक्ष थमसरा पुनले <em>देखापढी</em>लाई बताइन्। </p>
<p style="text-align: justify;">"पानी परिरहेको छ। कतै फोन लाग्दैन घटनाको अझै एकिन विवरण आइसकेको छैन। हामी घटनास्थल तर्फ टोली खटाउने तयारीमा छौं", अध्यक्ष पुनले जानकारी दिइन्। </p>
<p style="text-align: justify;">बेपत्ता ९ जना तीन वटा परिवारका रहेका गाउँपालिकाले जनाएको छ। </p>
<p style="text-align: justify;">पहिरोबारे राति २ बजेतिर आफूलाई टेलिफोनमा जानकारी प्राप्त भएको उनले बताएकी छिन्। </p>
<p style="text-align: justify;">त्यस्तै वरपरबाट पहिरो गएकोले रिखा, घण्टीवाङ, कुम्री, कल्याणी क्षेत्रका करीब डेढ सय घर पनि उच्‍च जोखिममा रहेको बताइएको छ। </p>
.jpg)
