कञ्चनपुरमा हराएकी बालिकाको शव भेटियो, दाजु प्रहरी नियन्त्रणमा
<p style="text-align: justify;">भीमदत्तनगर। कञ्चनपुरको भीमदत्त नगरपालिका-१३ की १४ वर्षीया बालिका नेहा सुनारको शव आज बिहान स्थानीय खोलामा भेटिएको छ।</p>
<p style="text-align: justify;">जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक अमरबहादुर थापा क्षेत्रीले बुधबार हराएकी बालिका सुनारको शव फेला परेको बताए। </p>
<p style="text-align: justify;">प्रहरीले बालिकालाई कुटपिट गर्दै खोलामा धकेलेको हुनसक्ने आँकलनसहित थप अनुसन्धानका लागि बालिकाका दाजु ३४ वर्षीय भरत सुनारलाई नियन्त्रणमा लिएको छ।</p>
<p style="text-align: justify;">“बालिका र दाजु दुवैजना खोलामा नुहाउन गएका थिए,” थापाले भने, “खोज्दै हिँडेका भरतले आवेगमा आएर कुटपिट गर्दै खोलामै धकेलेको जस्तो देखिन्छ।” </p>
<p style="text-align: justify;">घटनाको विस्तृत अनुसन्धान भइरहेको र बालिकाको शव परीक्षणका लागि महाकाली अस्पतालमा राखिएको प्रहरीले बताएको छ।<em> रासस</em></p>
.jpg)
