प्रदेश अस्पताल सुर्खेतमा थपियो पीसीआर मेसिन
<p>सुर्खेत। प्रदेश अस्पताल सुर्खेतमा कोभिड-१९ को स्वाब परीक्षणका लागि नयाँ पीसीआर मेसिन थपिएको छ।</p>
<p>प्रदेश अस्पतालले पशुपक्षी रोग अन्वेषण प्रयोगशालामा जडान गरेको उक्त मेसिनबाट कोरोना परीक्षण सुरू भएको छ।</p>
<p>यहाँ सञ्चालित मेसिन बिग्रिँदा डेढ सातादेखि कोरोना परीक्षण हुन सकेको थिएन।</p>
<p>सुर्खेतमा परीक्षण बन्द भएपछि यहाँबाट दैलेख, जुम्ला र नेपालगञ्ज परीक्षणका लागि पठाउनुपरेको थियो । </p>
<p>अस्पतालका निर्देशक डाक्टर डम्मर खड्काले नयाँ मेसिन जडान गरेर परीक्षण सुरू गरिएको जानकारी दिए।</p>
<p>उनका अनुसार नयाँ मेसिनले एकपटकमा ९६ वटा नमूना स्वाब परीक्षण गर्न सक्छ।</p>
<p>प्रदेश सरकारको २४ लाख ९० हजार रूपैयाँ सहयोगमा उक्त मेसिन खरिद गरिएको हो।</p>
<p>हाल कर्णालीमा सुर्खेतसहित कर्णाली स्वास्थ्य विज्ञान प्रतिष्ठान जुम्ला र दैलेख जिल्ला अस्पतालबाट कोरोना परीक्षण हुँदै आएको छ।</p>
<p>त्यस्तै, रुकुम पश्चिमको चौरजहारी सामुदायिक अस्पतालमा पीसीआर मेसिन जडान गरिएको छ। <em>रासस</em></p>
प्रतिक्रिया दिनुहोस्
.jpg)
