कांग्रेस असन्तुष्ट हुनुपर्ने कारण छैनः नेकपा प्रवक्ता (भिडिओसहित)
<p>काठमाडौं। नेपाल कम्युनिष्ट पार्टी (नेकपा)का प्रवक्ता नारायणकाजी श्रेष्ठले प्रदेश प्रमुख पदमुक्त गरिएको विषयमा नेपाली कांग्रेसले असन्तुष्टि जनाउनुपर्ने कुनै कारण नरहेको बताएका छन्।</p>
<p>नेकपाको सचिवालय बैठकपछि बालुवाटारमा सञ्चारकर्मीहरूलाई प्रतिक्रिया दिदै श्रेष्ठले सरकारको सिफारिसमा राष्ट्रपति विद्यादेवी भण्डारीले संविधानसम्मत् रूपमै पदमुक्त गरेको बताए।</p>
<p>“कांग्रेसले के भनेको छ हामीले थाहा पाइसकेका छैनौं तर, यसमा असन्तुष्टि जनाउनुपर्ने त कुनै कारण छैन”, प्रवक्ता श्रेष्ठले भने, “संवैधानिक व्यवस्था अनुसार सरकारले सिफारिस गरेर राष्ट्रपतिज्यूबाट निर्णय भएको हो।”</p>
<p>उनले सरकारको सिफारिसमा राष्ट्रपतिले तुरून्तै नयाँ प्रदेश प्रमुख तोक्ने पनि जानकारी दिए। </p>
<p>आज दिउँसो बसेको मन्त्रिपरिषद् बैठकको सिफारिसका आधारमा राष्ट्रपति भण्डारीले आजै सातैवटा प्रदेशका प्रमुखलाई पदुक्त गरेकी छन्। </p>
<p>यसमा कांग्रेसले असन्तुष्टि जनाएको छ।</p>
<p><iframe frameborder="0" height="315" scrolling="no" src="https://www.youtube.com/embed/iHCjTUiDjhc" width="560"></iframe></p>
<p><strong>पढ्नुहाेस्</strong></p>
<p><strong><a href="https://www.dekhapadhi.com/news/1740" target="_blank">सरकारले संवैधानिक शक्तिसँग निहुँ खोज्योः कांग्रेस</a></strong></p>
<p><strong><a href="https://www.dekhapadhi.com/news/1733" target="_blank">सातै प्रदेशका प्रमुख पदमुक्त</a></strong></p>
<p> </p>
प्रतिक्रिया दिनुहोस्
.jpg)
