गहुँ भित्र्याउँदै मनाङवासी
<p>मनाङ। पहाडी र तराई क्षेत्रमा वर्षमा तीन/चार खेती गरिन्छ।</p>
<p>मनाङमा भने वर्षमा एकपटक मात्रै खेती गरिन्छ।</p>
<p>अहिले पहाडी र तराईका फाँटमा धमाधम धान रोपाइँ भए पनि हिमाली जिल्ला मनाङमा भने गहुँ र करु थन्काउने समय भएको छ।</p>
<p>विगतमा पर्यटन तथा होटल व्यवसायमा आबद्ध मनाङवासी अहिले कोभिड-१९ को सङ्क्रमण फैलिएसँगै गरिएको बन्दाबन्दीले व्यवसाय बन्द छ।</p>
<p>व्यवसाय नै बन्द भएको समयमा मनाङवासीले खेतीपातीलाई प्राथमिकता दिएका छन्।</p>
<p>जिल्लामै धान खेती नहुने मनाङका मुख्य बालीका रूपमा गहुँ, करु, फापर र आलु रहेका छन्। </p>
<p>वर्षको एकपटक मात्र खेतीपाती गरिने यस जिल्लाका चारवटै गाउँपालिकामा गहुँ, करु झुलिरहेका छन् भने फापर फुलेका छन्।</p>
<p>चैतमा रोपेर असार साउनमा बाली भित्र्याउने गरिन्छ। हिमपात र अत्यधिक चिसोका कारण अरू समयमा यहाँ खेतीपाती हुँदैन। </p>
<p>धानखेती उत्पादन नहुने यहाँ धान, चामल अन्य जिल्लाबाट आयात गर्नुपर्छ।</p>
<p>वर्षको एक पटक उत्पादन गरिएको अन्नले वर्ष दिनसम्म पुर्‍याउनुपर्ने बाध्यता रहेको स्थानीय गजकुमारी गुरुङले बताए। <em>रासस</em></p>
प्रतिक्रिया दिनुहोस्
.jpg)
