बैतडीमा वैकल्पिक माध्यमबाट पठनपाठन सुरू
<p style="text-align: justify;">बैतडी। बैतडीमा वैकल्पिक माध्यमबाट पठनपाठन सुरू गरिएको छ।</p>
<p style="text-align: justify;">कोरोना भाइरसका कारण विद्यालय सञ्चालनमा नआएपछि आजदेखि वैकल्पिक माध्यमबाट पठनपाठन सुरू गरिएको हो। </p>
<p style="text-align: justify;">दशरथचन्द नगरपालिका र सुर्नया गाउँपालिकाले वैकल्पिक सिकाइ प्रणालीअन्तर्गत रेडियो शिक्षा कार्यक्रम सञ्चालन गरेका छन्।</p>
<p style="text-align: justify;">रेडियो निङ्गलाशैनी ९४ मेगाहर्जबाट आजदेखि रेडियो शिक्षा कार्यक्रम सञ्चालन भएको दशरथचन्द नगरपालिकाका शिक्षा शाखा प्रमुख मोहन नाथले जानकारी दिए। </p>
<p style="text-align: justify;">आजदेखि हरेक दिन साँझ ६ः१५ बजेदेखि ७ः०० बजेसम्म र बिहान ८ः३० बजेदेखि रेडियो शिक्षा कार्यक्रम सञ्चालन हुनेछ।</p>
<p style="text-align: justify;">एक हप्तासम्म साँझको समयमा विज्ञान विषयको पढाइ हुनेछ भने बिहान ८ः३० बजे सामाजिक शिक्षाको पढाइ हुनेछ।</p>
<p style="text-align: justify;">एक हप्ता माध्यमिक तहका विद्यार्थीलाई लक्षित गरेर कक्षा सञ्चालन हुनेछ। <em>रासस</em></p>
.jpg)
