तीनजना मृत अवस्थामा फेला
<p>काठमाडाैं। देशका विभिन्न स्थानमा तीनजना मृत अवस्थामा फेला परेका छन्। </p>
<p>नेपाल प्रहरीका अनुसार प्युठान, झापा र बैतडीमा उनीहरू मृत अवस्थामा फेला परेका हुन्। </p>
<p>प्युठानको सरूमारानी गाउँपालिका-१, कालीवनस्थित राप्ती नदीको किनारमा रोल्पा सुनिल स्मृती गाउँपालिका-१, घोडागाउँ बस्ने २२ वर्षीया सरिता नेपाली शनिबार दिउँसो मृत अवस्थामा फेला परेकी छन्। </p>
<p>झापाको बिर्तामोड नगरपालिका-३, बिर्ताबजार घर भई हाल अर्जुनधारा नगरपालिका-१, साधुटारस्थित डेरा गरी बस्दै मिस्त्री काम गर्ने ३० वर्षीय छत्र राजवंशी सुतेकै स्थानमा मृत अवस्थामा फेला परेका छन्। </p>
<p>शुक्रबार बेलुका घर ढलानको काम सकेर कोठामा आई सुतेका उनी शनिबार दिउँसो उठाउन खोज्दा मृत अवस्थामा फेला परेका हुन्।</p>
<p>बैतडीको पुर्चौडी नगरपालिका- गिर्जा बगरमा जामडी खोलाले बगाई ल्याएको अवस्थामा हाल नाम, थर, वतन नखुलेकी करिब ३० वर्षीया महिला शनिबार बिहान मृत फेला परेकी छन्। </p>
<p>घटनाहरूका सम्बन्धमा स्थानीय प्रहरीले थप अनुसन्धान गरिरहेको छ।</p>
प्रतिक्रिया दिनुहोस्
.jpg)
