चन्द्रागिरी नगरपालिकाको न्यायिक समितिमा दुई वर्षमा ६७ उजुरी
<p style="text-align: justify;">काठमाडौं। चन्द्रागिरि नगरपालिकामा पछिल्लो दुई वर्षमा विभिन्न घटनाका ६७ उजुरी परेका छन्। </p>
<p style="text-align: justify;">आर्थिक वर्ष २०७५/७६ मा ४६ र आव यस वर्षमा २१ उजुरी दर्ता भएका हुन्। ती उजुरीमध्ये अधिकांश घरजग्गा र बाटोसम्बन्धी छन्। </p>
<p style="text-align: justify;">नगरपालिकाका उपप्रमुख एवम् न्यायिक समितिका संयोजक लिशा नकर्मीले जग्गा, करारसम्बन्धी, मानाचामल, ढल , घरेलु हिंसासम्बन्धी बढी उजुरी आउने गरेको बताइन्।</p>
<p style="text-align: justify;">नगरपालिकाले उजुरी आएका अधिकांश मुद्दा मिलाइसकिएको छ। उजुरी आएपछि सात दिनको म्याद तामेली राखेर नगरपालिकाले छलफल चलाउँदै आएको छ।</p>
<p style="text-align: justify;">नगरपालिकाले मुद्दाको टुङ्गो लगाउन मेलमिलाप कर्तासमेत तोकेको छ। ४० भन्दा बढी व्यक्तिलाई मेलमिलाप कर्तासम्बन्धी तालीम दिइसकेको नगरपालिकाले जनाएको छ। </p>
<p style="text-align: justify;">नगरपालिकाको इजलास हरेक हप्ताको सोमबार बस्दै आएको छ। मुद्दा चाप अनुसार इजलास समय थप गर्दै लैजाने नगरपालिकाको योजना छ।<em>रासस</em></p>
.jpg)
