पहिराेमा परेकाकाे उद्धारका लागि गएकाे नेपाली सेनाकाे गाडी दुर्घटना, तीनजना घाइते
<p>कैलाली। बझाङमा पहिराे गएर धनजनकाे क्षति भएपछि उद्धारका लागि जाँदै गरेको नेपाली सेनाको गाडी दुर्घटनामा परेको छ।</p>
<p>केदारस्युँ गाउँपालिका-८, मेल्लेसी गाउँमा पहिरोमा परी ठूलो जनधनको क्षति भएपछि सोही ठाउँमा उद्धारका लागि हिँडेकाे नेपाली सेनाकाे से १ ज ४७७ नम्बरकाे जीप दुर्घटनामा परेकाे हाे। </p>
<p>दुर्घटनामा नेपाली सेनाका तीनजना घाइते भएका छन्। साे गाडी सेनाले भाडामा लिएकाे थियाे। </p>
<p>गाडीमा नेपाली सेनाका उपसेनानी शिव श्रेष्ठसहित १५ जना सवार थिए।</p>
<p>कालगा हाईड्रोको सुरक्षार्थ बागथला खटेको टोली उद्धारका लागि आउँदै गर्दा केदारस्युँ गाउँपालिका-४, बाग्थलामा दुर्घटनामा परेको जिल्ला प्रहरी कार्यालय बझाङका प्रहरी प्रवक्ता लोकेन्द्रसिंह कार्कीले जानकारी दिए। </p>
<p>घाइतेको स्थानीय स्वास्थ्य केन्द्र देउलेकमा उपचार भइरहेको जिल्ला प्रहरी कार्यालय बझाङले जानकारी दिएको छ। </p>
<p>गयराति केदारस्युँ गाउँपालिका-८ को एक वस्ती पहिराले बगाएको छ। अविरल वर्षासँगै गाउँ माथिबाट आएको पहिरोले मल्लेसीका १७ घर बगाएको हो।</p>
<p>यस्तै उक्त पहिरोमा परी बेपत्ता भएका मध्ये चारजनाको शव भेटिएको छ। </p>
<p>तीनजना अझै बेपत्ता रहेको प्रहरीले जनाएको छ।</p>
<p>मृत्यु हुनेमा ५० वर्षीया राममती जेठारा, उनका ११ वर्षीय छोरा प्रयाग जेठारा र ७ वर्षीया छोरी अस्मिता जेठाराको शव भेटिएको हो।</p>
<p>साथै सोही गाउँका अन्दाजी ८० वर्षीय दले जेठाराको पनि शव भेटिएको जिल्ला प्रहरी कार्यालयबाट खटि गएको प्रहरी टोलीले जानकारी दिएको छ।</p>
प्रतिक्रिया दिनुहोस्
.jpg)
