हेलिकप्टरमार्फत उद्धार सुत्केरीको शल्यक्रिया सफल
<p><strong>मेलम्ची।</strong> सिन्धुपाल्चोकको खाडीचौरबाट हेलिकप्टरमार्फत उद्धार गरिएकी महिलाको शल्यक्रिया सफल भएको छ। <br />
काठमाडौंको ह्याम्स अस्पतालमा शुक्रबार साँझ शल्यक्रियाबाट शिशु जन्माइएको हो। </p>
<p>खाडीचौरस्थित सदाबहार अस्पतालका चिकित्सकले लिसंखुपाखर गाउँपालिका-७ की २४ वर्षीया निशा तामाङको शल्यक्रिया गर्न खोज्दा पाठेघर र पिसाबथैली जोडिएको भेटिएपछि हेलिकोप्टरबाट काठमाडौं पठाइएको थियो।</p>
<p>उनी बिहीबार नै सुत्केरी हुनका लागि सदाबहार अस्पतालमा भर्ना भएकी थिइन्। शिशु र आमाको अवस्था सामान्य रहेको सदाबहार अस्पतालका डा. रोशन थापा श्रेष्ठले बताए। <em>रासस</em></p>
प्रतिक्रिया दिनुहोस्
.jpg)
