बर्दियाको गेरुवामा सलह देखिएपछि किसान चिन्तित
<p>बर्दिया। बर्दियाको गेरुवा गाउँपालिकामा सलह देखिएपछि किसान चिन्तित भएका छन्।</p>
<p>भारतबाट नेपाल आएको सलह किसानले लगाएका बालीनालीमा देखा परेको छ।</p>
<p>गेरुवा गाउँपालिका-१, बगहिपुर र जनकनगरमा सलह देखिएको वडाध्यक्ष दयाराम वैद्यले बताए।</p>
<p>खेतमा सलह देखिएपछि स्थानीय किसानले मादल र थाल बजाएर भगाएको र केहीलाई माछा मार्ने जालमा फसाएर समात्ने गरेको किसान रामबहादुर थारुको भनाइ छ।</p>
<p>भौरा क्षेत्रको गेरुवामा रोपिएको धान खेतमा सलह देखिएको प्रधानमन्त्री कृषि आधुनिकीकरण परियोजना धान सुपरजोन राजापुरका प्रमुख डा. तपेन्द्र शाहले बताए। </p>
प्रतिक्रिया दिनुहोस्
.jpg)
