स्थिरताको पक्षमा युवा विद्यार्थीको प्रदर्शन
<p>चितवन। स्थिरताको माग गर्दै युवा विद्यार्थीले आज यहाँ प्रदर्शन गरेका छन्।</p>
<p>भरतपुरको चौबीसकोठीमा सरकार परिवर्तन गर्न नहुने भन्दै उनीहरूले प्रदर्शन गरेका हुन्। </p>
<p>नेपाल कम्युनिष्ट पार्टी (नेकपा) निकट युवा तथा विद्यार्थीले पार्टीलाई एक ढिक्का बनाएर लैजानुपर्ने, सरकार परिवर्तन गर्न नहुने, अस्थिरता चाहिँदैन, सरकार ढाल्न पाइँदैन जस्ता नारा लेखिएका प्लेकार्डसहित प्रदर्शन गरेका थिए।</p>
<p>मास्क र पञ्जा लगाएका प्रदर्शनकारीले सडक किनारामा सामाजिक दूरीसमेत कायम गरेका थिए । </p>
<p>पार्टीभित्र प्रधानमन्त्री केपी शर्मा ओलीलाई प्रधानमन्त्री र अध्यक्ष दुवै पदबाट राजीनामा दिनुपर्ने माग भइरहेका बेला समर्थक युवा विद्यार्थीले दुवै पदबाट ओलीलाई हटाउन नहुने भन्दै प्रदर्शन गरेका हुन्।</p>
<p>भरतपुरको चौबीसकोठीदेखि चितवन मेडिकल केलजसम्म सडक किनारमा प्लेकार्ड र राष्ट्रिय झण्डासहित प्रर्दशन गरिएको थियो।</p>
<p>प्रदर्शनमा ठूलो संख्यामा युवा विद्यार्थीको सहभागिता थियो। <em>रासस</em></p>
प्रतिक्रिया दिनुहोस्
.jpg)
