भारत र पाकिस्तानद्धारा जेलमा रहेका एकअर्काका नागरिक रिहा
<p><strong>काठमाडौं। </strong>भारत र पाकिस्तानले दुवै देशका जेलमा रहेका बन्दीहरुलाई रिहा गर्ने गरेका छन् । दुई देशले आ–आफ्ना देशका जेलमा रहेका माछामार्ने मछुवार र अन्य थुनामा रहेका नागरिकलाई रिहा गरेका भारतको विदेश मन्त्रालयले आज जानकारी दिएको हो ।</p>
<p>सन् २००८ मा भारत र पाकिस्तानले विभिन्न कारणले दुवै देशका जेलमा परेका नागरिकहरूलाई छोडिने बारेको एक सम्झौता गरेका थिए। सो सम्झौताअनुसार हरेक वर्षको जनवरी १ र जुलाई १ तारिखमा रिहा गर्ने भनिएको थियो। त्यसै सम्झौताअनुसार नै आज पनि दुवै देशका नागरिकलाई छोडिएको भारतको विदेश मन्त्रालयले जनाएको छ।</p>
<p>आज रिहा गरिएकामा भारतको जेलमा रहेका २६५ जना पाकिस्तानी नागरिक छन् भने अरु ९७ जना माछामार्ने मछुवार रहेका छन्। उनीहरुलाई भारतले पाकिस्तानसमक्ष हस्तान्तरण गरेको छ।</p>
<p>त्यसैगरी पाकिस्तानले पनि ५४ जना भारतीय नागरिक र २७० जना मछुवारलाई भारतसमक्ष हस्तान्तरण गरेको छ। उनीहरुलाई कूटनीतिक माध्यमबाट दुवै देशका अधिकारीहरूले एकै पटक छुटाएका थिए ।</p>
<p>बुधबार एकै समय पारेर भारत र पाकिस्तानका उच्च अधिकारीहरुले एक आपसमा दुवै देशका बन्दीहरुलाई हस्तान्तरण गरेका भारतको विदेश मन्त्रालयले जनाएको छ ।<br />
</p>
प्रतिक्रिया दिनुहोस्
.jpg)
