गत वर्ष भेटिएकाे कंकाल सञ्चारकर्मी तेजु खड्काकाे भएको पुष्टि
<p>बाजुरा। बूढीनन्दा नगरपालिका पाटन क्षेत्रमा भेटिएको कंकाल दुई वर्ष अगाडि बेपत्ता भएका सञ्चारकर्मी तेजु खड्काको भएको पुष्टि भएको छ।</p>
<p>२०७६ मंसिरमा कंकाल भेटिएकामा परीक्षणपछि खड्काको भएको पुष्टि भएको हो।</p>
<p>नेपाल प्रहरीको केन्द्रीय विधि विज्ञान प्रयोगशालामा डीएनए परीक्षणका लागि पठाइएको कंकाल परीक्षणपछि खड्काकै पुष्टि भएकोे जिल्ला प्रहरी कार्यालय बाजुराका प्रहरी नायब उपरीक्षक टंकप्रसाद भट्टराईले बताए। </p>
<p>बुढीनन्दा तीर्थयात्रामा गएका खड्का घर फर्किने क्रममा बीच बाटाबाटै बेपत्ता भएका थिए।</p>
<p>बेपत्ता खड्काको खोजी गर्ने क्रममा एक वर्षपछि दुई करङ, झोला र परिचयपत्र भेटिएको थियो। </p>
<p>डोटीको दिपायल सिलगढी नगरपालिका-१, तिखा घर भएका खड्काले बाजुराको कोल्टीमा रहेको रेडियो बूढीनन्दामा बजार व्यवस्थापकका रूपमा काम गर्दै आएका थिए।</p>
<p>खड्का २०७५ भदौ ९ गते बूढीनन्दामा लागेको मेलाबाट फर्किने क्रममा बेपत्ता भएका थिए। <em>रासस</em></p>
प्रतिक्रिया दिनुहोस्
.jpg)
